Soláthar and Costais

Faoi rialacháin soláthair, eisíodh Iarrataí ar Thairiscintí (RFTanna) i leith soláthraithe seirbhíse a sholáthar le haghaidh riachtanais dhifriúla a bhaineann le bunú agus le feidhmiú leanúnach an Tionóil araon.  Sa chás gur bhain sé le hábhar, foilsíodh tairiscintí ar láithreán gréasáin soláthair an Rialtais, eTenders.

Foilsíodh na hiarrataí seo a leanas ar thairiscintí ar an láithreán gréasáin eTenders:

1. Sampla ionadaíoch de 99 duine den phobal agus ionadaithe a chur ar fáil
2. Riachtanais Comhdhála Óstáin
3. Scannánú/Craoladh Beo/Sruthú an Tionóil Saoránach agus seirbhísí leantacha eile a bhaineann leis
4. Soláthar Seirbhísí Gaeilge do Chruinnithe Thionól na Saoránach
5. Seirbhísí Éascaíochta agus Breacadh Nótaí do Thionól na Saoránach
6. Seirbhísí Idirghabhála Meán do Thionól na Saoránach

Conarthaí a Bronnadh:

Ceapadh RED C Research and Marketing Ltd an 22 Lúnasa 2016 chun sampla ionadaíoch de 99 ball den phobal agus ionadaithe a chur ar fáil do Thionól na Saoránach.

Roghnaíodh an Grand Hotel, Mullach Íde, mar ionad do chruinnithe an Tionóil.

Roghnaíodh Richard Jolly TV Ltd/Switch New Media le scannánú/craoltóireacht bheo agus sruthú a dhéanamh ar chruinnithe an Tionóil. 

Roghnaíodh Q4PR le seirbhísí idirghabhála meán  a chur ar fáil don Tionól.  

Roghnaíodh Roomaxx Ltd chun seirbhísí éascaithe agus breactha nótaí a chur ar fáil.

Roghnaíodh Beatrice.ie Translation & Tour Guiding Services le seirbhísí aistriúcháin a chur ar fáil don Tionól.

Costais an Tionóil

Tugtha thíos tá briseadh síos ar chostais a bhain le cruinnithe an Tionóil a reáchtáil ó bunaíodh an Tionól ó Lúnasa, 2016 go dtí deireadh Bealtaine, 2018. 

Cúitítear costais a thabhaíonn baill chun freastal ar chruinnithe leo, lena n-áirítear costais taistil agus ranníoc i leith cúram leanaí. Ní dhéantar íocaíocht i leith freastal ná i leith laethanta a chailltear ag an obair le comhaltaí ná lena bhfostaithe.

Ní íocann an Tionól táille le haoichainteoirí. Clúdaítear costais taistil.

Déantar costais riaracháin oifige agus tuarastail an Tionóil a íoc ar bhonn leanúnach agus ní áirítear sna costais thíos iad.